King Orfeo

There lived a king intae the East
Scowan urla grun
There lived a lady in the West
Far yetter kanga norlac

The king he haes a-huntin' gaen
Scowan urla grun
An' left his lady aw' alane
Far yetter kanga norlac

"I wish ye ne'er hae gaen away
Scowan urla grun
For yer lady cold as death dae lay!"
Far yetter kanga norlac

For the king o' Ferries wi' his daert
Scowan urla grun
Has pierced your lady tae the hert
Far yetter kanga norlac

And he has called his nobles aw'
Scowan urla grun
To waltz a corpse intae the haw'
Far yetter kanga norlac

And he set guards three hundred three
Scowan urla grun
To watch her corpse beeth necht and day
Far yetter kanga norlac

At necht whan they lay fast asleep
Scowan urla grun
Wi'oot the hoos her corpse did sweep
Far yetter kanga norlac

An' the king has gaen tae the woodward weir
Scowan urla grun
An' a bank o' horsemen him drew near
Far yetter kanga norlac

And some did ride and some did sing
Scowan urla grun
And he spied his lady them among
Far yetter kanga norlac

An' in yon hill there wis a haw'
Scowan urla grun
Therein went she an' the horsemen aw'
Far yetter kanga norlac

An' after them the king has gaen
Scowan urla grun
Bit whan he cam it wis grey stane
Far yetter kanga norlac

An' he took oot his pipes tae play
Scowan urla grun
Bit sair his hert wi' dol an' wae
Far yetter kanga norlac

Bit he has played a good gabber reel
Scowan urla grun
That would hae made a sick hert heal
Far yetter kanga norlac

Noo come ye in untae oor haw'
Scowan urla grun
Noo come ye in amangst us aw'
Far yetter kanga norlac

Noo he's gaen in untae their haw'
Scowan urla grun
An' he's gaen in amang them aw'
Far yetter kanga norlac

An' he took oot his pipes tae play
Scowan urla grun
Bit sair his hert wi' dol an' wae
Far yetter kanga norlac

An' first he played the notes o' noy
Scowan urla grun
An' then he played the notes o' joy
Far yetter kanga norlac

Noo tell tae us what will ye hae
Scowan urla grun
What shall we gi' you for yer play?
Far yetter kanga norlac

What I will hae I will you tell
Scowan urla grun
An' that's my lady Isabel!
Far yetter kanga norlac

Yes take your lady and gaeng hame
Scowan urla grun
An' ye be king o'er aw' yer ain
Far yetter kanga norlac

He's ta'en his lady and gaen hame
Scowan urla grun
An' noo he's king o'er aw' his ain!
Far yetter kanga norlac

————————————————————————————

Back to Scots Song Directory